منصور قادر جوڻيجو

پاڇي وانگر پويان منھنجي، موت بہ مون سان آھي ساڻ پوءِ بہ ان جي لاءِ جيان پيو، جنھن جي مونکي ناھي ڄاڻ

جڏھن ھت ڪو ڌرتي ڌڪاريو نہ ھئو تڏھن سنڌ ڌرتيءَ جون سارون ھيون جڏھن ڪو بہ ڪانئر نہ ھو ڪرم ۾ تڏھن ھت ھنجن جون اڏارون ھيون

جتي چنگ چارڻ وڄايو ھوندو اتي سر ڏنو ڪنھن اڌارو نہ ھوندو

خدا ڪنھن جي محلن نہ ماڙين ۾ ھوندو جي ھوندو تہ پکڙن پراڻن ۾ ھوندو خدا ڪنھن نہ ڪورٽ نہ ٿاڻن ۾ ھوندو جي ھوندو تہ ٿاڪن ٺڪاڻن ۾ ھوندو

خدا ڪال ڪوٺين، نہ قيدن ۾ ھوندو جي ھوندو اسان جي اميدن ۾ ھوندو خدا ڪين جڪڙيل زنجيرن ۾ ھوندو جي ھوندو تہ انسان ميرن ۾ ھوندو